МӘМС-тегі миллиардтар бақылауға алынады

Қазақстанда МӘМС қаражатын қорғаудың жаңа жүйесі енгізіледі. Қор қаржылық бақылаудың жаңа моделіне көшеді. Жаңа жүйе медициналық ұйымдарға төлем жасалғаннан кейін емес, оған дейін негізсіз төлемдердің алдын алуға бағытталған. Бұл үшін Qalqan IT-платформасы, автоматтандырылған антифрод жүйесі және тәуекелдерді талдайтын цифрлық құралдар енгізіледі. Олар жалған медициналық қызметтерді, қызмет көлемін қолдан ұлғайтуды және басқа да заң бұзушылықтарды нақты уақыт режимінде анықтауға мүмкіндік береді. Сондай-ақ азаматтар өз атына рәсімделген медициналық қызметтерді тексеріп, көрсетілмеген қызметтер туралы хабарлай алады. Қордың мәліметінше, жаңа бақылау жүйесі МӘМС қаражатының мақсатты жұмсалуын қамтамасыз етуге бағытталған.