Жалған құжатпен зейнетақы алғандар анықталды

Алматыда жалған құжатпен зейнетақы алғандар анықталды.

Бұл туралы қалалық Еңбек және халықты әлеуметтік қорғау саласындағы реттеу және бақылау комитетінің департаменті хабарлады. Мамандар 7 мыңнан астам зейнетақы ісін тексеріп, 82 адамның жалған құжат тапсырғанын анықтады. Соның салдарынан мемлекеттен 108 млн теңгеден астам қаражат заңсыз төленген. Қазір  оның 70 млн теңгесі бюджетке қайтарылып, қалған 38 млн теңгені өндіру жұмыстары жалғасып жатыр. Мамандардың айтуынша, жасанды интеллект еңбек кітапшалары мен архивтік мәліметтерді салыстыру арқылы сәйкессіздіктерді анықтап, заңбұзушылықтарды әшкерелеуге мүмкіндік берген.