Сот орындаушысына сотқа дейін шағымдану тәртібі енгізіледі

Жаңа Конституцияның күшіне енуіне байланысты атқарушылық іс жүргізу жүйесі реформаланып жатыр. Жаңа заңға сәйкес, жеке сот орындаушылары үшін міндетті аттестаттау енгізіледі. Сынақтан өтпегендер лицензиясынан айырылады. Мамандардың әрекетіне сотқа дейін шағымдану тетігі қарастырылып, мерзімі өтіп кеткен істер автоматты түрде тоқтатылады. Сондай-ақ енді борышкерге тұрғын үйден шығарылатыны  туралы кемінде 10 күн бұрын хабарлануы тиіс. Ал алимент тек арнайы банктік шотқа аударылады.

Көптеген аналар өздерінің алиментін әзер өндіріп, түрлі екінші деңгейлі банктерге немесе микроқаржы ұйымдарының пайдасына өндіріліп, әр органның табалдырығын тоздыратын еді. Енді заң өзгерісіне байланысты жеке сот орындаушы өндіріп алушылармен жұмыс істейді. Алимент өндіріп алушыларға есептік шот ашылады. Шотқа тек сол алимент санатындағы қаражат түседі. Ол қаражатқа жеке сот орындаушылары ешқандай тыйым салып, ол қаржыны өндіре алмайтын болады.