Ел жаңалықтарына шолу

Қарағанды облысында сатып алу құқығымен берілетін жалдамалы тұрғын үйге өтінім қабылдау басталды. Бағдарламаға өңір бойынша үйге мұқтаждар есебінде тұрған азаматтар мен әкімдік қызметкерлері қатыса алады. Басты талап: атында соңғы 5 жылда үй болмауы керек. Сонымен берге, несие тарихы таза болуы шарт. Кем дегенде соңғы 6 ай бойы бір жерде жұмыс істеуі тиіс. Табысты растау қажет болады. Жалдау ақысы айына 60 мыңнан 146 мың теңге аралығында. Келісімшарт мерзімі - 20 жыл. Десе де баспананы мерзімінен бұрын сатып алуға болады. Барлығы 250 пәтер беріледі. Олар Саран қаласындағы Химик шағын ауданында орналасқан. Өтінім 17 шілдеге қабылданады.

Қазақстандық оқушылар физикадан ең беделді халықаралық олимпиадаға қатысып жатыр. Білім бәйгесі Колумбияның Букараманга қаласында өтуде. Зияткерлік жарыс 12 шілдеге болады. Биыл оған 90 елден 400-ден астам үздік жас физик бақ сынап жатыр. Олимпиада аясында қатысушылар теориялық және эксперименттік кезеңдерден өтіп, күрделі физикалық есептерді шығарады. Сондай-ақ, зертханалық жұмыстарды орындайды. Ел намысын астаналық 5 оқушы қорғайды.

Халықаралық Олимпиада комитеті 2030 жылы Францияда өтетін қысқы Олимпиаданың бағдарламасын бекітті. Бұл жолы жарысқа синхронды мәнерлеп сырғанау мен фрирайд, сияқты бірнеше жаңа спорт түрі қосылды. Ал көрермені азайып, танымалдығы төмендеген шаңғы қоссайысы байрақты бәсекенің бағдарламасына енгізілмеді. Жаңа ереже бойынша тарихта алғаш рет ерлер мен әйелдер арасындағы спортшылар саны тең болады. Сондай-ақ 16 медаль жиынтығы қосылып отыр.