Халықтық Конституция – өрлеудің жаңа кезеңі

Халықтық Конституция – еліміздің демократиялық дамуының жаңа кезеңін айқындайды. Маңызды құжатта адам құқықтары мен бостандықтарын қорғау, заң үстемдігін нығайту, әділетті қоғам қалыптастыру және мемлекеттік басқару жүйесін жетілдіру мәселелеріне ерекше назар аударылған. Конституциялық реформалар азаматтардың мемлекет ісіне белсенді қатысуына мүмкіндік беріп, халық үніне құлақ асатын мемлекеттің қағидаттарын нығайтуға бағытталған.

- Ел дамуының берік негізі болып табылады. Әділетті қоғам құрудың негізгі кепілі. Адам және азаматтардың құқығы, бостандығы қорғалады. Ғылым-білім, инновация салаларына көп көңіл бөлген. Конституция басты заңды құжат болғандықтан, барлық саланы қамтыған. Әлеуметтік, экономикалық, саяси-мәдени бағыттарды.

- Мәдениет деген біздің ішкі танымымыз, ішкі патриотизмнің өсуі.  Біз ұнататындай қоғамды құруымыз керек. Ол қоғамның қандай екенді Ата Заңның ішінде бәрі тұр. Демек, сол қоғамды сүю, сол қоғамды қорғау, сол қоғамның ішінде мәдениетті түрде азаматтық дәрежеде өсу ол енді біздің міндетіміз.

- Жаңа конституцияның арқасында жалпы елімізде тұрғындардың тең мүмкіндігі алдыңғы шепке шығады. Осындай өзгерістердің арқасында адамдардың мемлекетке деген сенімі артып, Қазақстанның болашақта жақсы жағына өзгеруге көмектеседі деп ойлаймын.