Ақтөбеде «Jasyl cross – 2026» шарасы өтті

Ақтөбеде «Jasyl cross – 2026» экологиялық жарысы ұйымдастырылды. Оған шаһардың белсенді жастары мен еріктілер қатысты. Сайыс Ақтөбе-Үшқұдық тасжолының бойында өтті. Ережеге сай әр команда алты қатысушыдан жасақталады. Олар 40 минут ішінде өздеріне берілген қапшықтарға көп мөлшерде қоқыс жинап үлгеруі керек. «Таза Қазақстан» акциясы аясында ұйымдастырылған шараға жастар белсенді қатысты. Қоқысты көп жинаған командаға алғыс хаттар мен сыйлықтар табысталды.

Осы жерді лас болғаннан кейін әдейі таңдадық. Себебі бұл жерде 500-ге жуық адам қатысады. 30 команда. Бұл жерде мемлекеттік қызметшілер, «Жасыл ел» сарбаздары, жастар, үкіметтік емес ұйым мүшелері өздері ниет білдірді, қатысамыз деді.