Димаш оқыған мектепке швейцариялық жанкүйері барды

Димаш Құдайбергеннің швейцариялық жанкүйері әнші оқыған мектепті көру үшін әдейілеп Ақтөбе қаласына барды. Эстер Ульман №32 мектеп  ұжымымен және оқушылармен кездесті. Мұғалімдер оған Димаштың оқушы кезінде қандай болғанын айтып берді. Сондай-ақ көпшілік біле бермейтін тың мәліметтермен бөлісті. Меймандар оқушылар дайындаған концерттік бағдарламаны да тамашалады. Эстер ханым өз кезегінде Димаштың өнері арқылы қазақ елін жақұыннан танып, ғашық болғанын жасырмады. Ол бұған дейін біздің елге бес рет келген. Қазақстан мен сүйікті әншісі жөнінде кітап та жазған.

Мен Димаштың әнін алғаш рет 2020-шы жылы пандемия кезінде тыңдадым. Ал 2022-ші жылы Алматыға, оның концертіне арнайы келдім. Кейін сүйікті әншімнің туған жеріне барсам деген ой келді. Өз арманыма жеткеніме өте қуаныштымын!