Басты Жаңалықтар Петропавлда «Green City Day» акциясы ұйымдастырылды

Петропавлда «Green City Day» акциясы ұйымдастырылды

02.06.2026 17:30

Петропавл қаласында «Таза Қазақстан» республикалық бағдарламасы аясында «Green City Day» акциясы ұйымдастырылып, тұрғындар экология тақырыбында викториналық сұрақтарға жауап берді. Дұрыс жауап бергендері тәтті сыйлықтар алды.

Орталық алаңға келген тұрғындар «Таңғажайыптар алаңы» атты ойынға қатысып, сұрақтарға жауап берді. Қағаздан жасалған «тілек ағашына» табиғатты қорғауға арналған ұсыныстарын жазды. Сонымен қатар пластик, қағаз, шыны және металл қалдықтарын арнайы контейнерлерге дұрыс сұрыптап, жинау бойынша тапсырмалар орындады. Ұйымдастырушылар мұндай іс-шаралар тұрғындардың экологиялық сауаттылығын арттырып, өз ортасын таза ұстау мәдениетін нығайтуға ықпал ететінін атап өтті.

Анастасия Волкова, Ақпарат және қоғамдық даму орталығының бөлім жетекшісі:

Біздің мақсатымыз – тек іс-шаралар өткізу емес, адамдарды табиғатты қорғауға ынталандыру. Бұл бастама тұрғындардың қоршаған ортаға деген жауапкершілігін қалыптастыруға және экологиялық мәдениетті дамытуға бағытталған. «Таза Қазақстан» бағдарламасы аясында тұрмыстық қалдықтарды сұрыптауға, табиғат байлықтарын үнемдеуге ерекше көңіл бөлінеді.

Автор

Эльмира Кәленова

Бөлісу