Өскемендегі жарылыс: 2 адам көз жұмды

Өскемендегі кәсіпорындардың бірінде болған жарылыстан екі адам қаза тапты. Тағы бесеуі ауруханада жатыр. Мұны кәсіпорынға жауапты «Қазцинк» мекемесі хабарлады. Олар зардап шеккендерге психологиялық, материалдық көмек көрсетілетінін айтты. Ал ғимараттағы өрт толық сөндіріліп, оқиға орнында жедел штаб жұмыс істеп жатыр. Жағдайды Премьер-министр Олжас Бектенов өз бақылауына алып, Төтенше жағдайлар, Экология министрліктеріне және облыс әкімдігіне тиісті тапсырмалар берді.

Еске саламыз, бүгін таңертең шаң сүзу цехында жарылыс болып, өрт шықты. Ғимараттың бір бөлігі опырылып түскен еді. Кәсіпорын өкілдерінің сөзінше оқыс жағдай түтін сорғышты тазалау барысында болған. Тергеу, тексеру жұмыстары жалғасып жатыр.