«Astana Motors» өнімі Чехия нарығына шығуы мүмкін

«ASTANA MOTORS» өнімі Чехия нарығына шығуы мүмкін. Бұл жөнінде Қазақстан мен Чехияның Премьер-министрлерінің кездесуінде мәлім болды. Үкімет басшысы Олжас Бектенов осы бағыттағы жұмысты құптайтынын жеткізді. «Бұл екіжақты экономикалық ынтымақтың қарқынды дамып келе жатқанын көрсетеді», - деп атап өтті. Бүгінде елімізде Чехияның 143 компаниясы жұмыс істейді. Олардың қатарында Škoda Auto, Omnipol, Tatra секілді ірі кәсіпорындар бар. 2005 жылдан бері, яғни 20 жыл ішінде  Чехияның Қазақстан экономикасына салған инвестиция көлемі 431 миллион долларға жетті.