Бүгін еліміздің бірқатар өңірінде дауылды ескерту жарияланды. Синоптиктердің мәлімдеуінше, Астана мен Ақмола, Павлодар, Қарағанды, Абай облыстарында, Солтүстік және Шығыс Қазақстанда қатты жел соғады, екпіні секундына 28 метрге дейін жетеді. Ал түнде қар аралас жауын-шашын болады. Жамбыл және Түркістан облыстарында тұман түсіп, үсік жүреді. Қызылордада да ауа-райы құбылып, шаңды дауыл соғады. Ауа райының күрт өзгеруіне байланысты  Қазавтожол өкілдері жүргізушілерге қауіпсіздік ережелерін мұқият сақтауды ескертеді. Жолға шықпас бұрын, республикалық маңызы бар автожолдардың жағдайы туралы 1403 нөмірі арқылы білуге болады.