Жалағаш халқы жаппай көшет екті

Қызылорда облысы Жалағаш ауданында тұрғындар «Таза Қазақстан» экоакциясы аясында көшет отырғызды. Игі бастамаға мемлекеттік мекеме қызметкерлері, кәсіпкерлер және тұрғындар мен белсенді жастар атсалысты. Олар топ-топқа бөлініп, алдымен көшелердің арық жүйесін тазартып шықты. Сосын 600-ге жуық көшет отырғызып, жас шыбықтарды суарды. Жалпы, табиғатты аялауға, ауылды жасыл желекке айналдыруға үндейтін шараларға үн қосатын азаматтардың қатары артып келеді.

Орман шаруашылығынан қазылған көшеттердің саны 30 мыңға жуық болады. Оны 20 мыңдайы кент және ауылдық округтерге таратылды. Клен көшеттері және терек, сыр талы, қарағашымыз бар. Соларды араластырып, кент көшелеріне егіп жатыр.