Басты Жаңалықтар Жамбыл облысында бұлақ көзін ашты

Жамбыл облысында бұлақ көзін ашты

20.04.2026 13:24

Жамбыл облысының Тұрар Рысқұлов ауданында «Мөлдір бұлақ» жалпыхалықтық экологиялық акциясы өтті.

Табиғат жанашырлары Сұлутөр тауының бөктеріндегі бұлақ көздерін ашып, айналасын абаттандырды. Игі істі аудан ақсақалдары бастап беріп жастар жағы жалғастырды. Жиналғандар бұлақтың айналасына тас қалап, тал екті. Бұл «Таза Қазақстан» акциясы аясында абаттандырылған үшінші бастау. Бұған дейін Жамбыл және Байзақ ауданында еріктілер бұлақтың көзін ашты.

Мағжан Дәкенов, ерікті:

Абаттандыру және де тазалық жұмыстары жүргізілді. Бұл біздің азаматтық борышымыз деп санаймыз және акция алдағы уақытта да өз жалғасын, үлесін табады деп ойлаймыз.

Автор

Данияр Әлімқұл

Бөлісу