Күл-қоқысты тазаламаған 8 әкім айыппұл арқалады

Павлодар облысы Аққулы ауданының сегіз  ауылдық округінің әкімі айыппұл арқалады. Себебі бүкіл ел болып «Таза Қазақстан» республикалық акциясына үн қосып жатқанда олар өздеріне бекітілген аумақтарды күл-қоқысқа толтырып, экологиялық талаптарды бұзған. Прокуратура  аудандағы 10 ауылдық округте түгелдей тексеру жүргізіп, 20-дан аса қоқыс полигонын тапты. Сегіз әкім әкімшілік жауапқа тартылып, оларға 1 млн 700 мың теңге айыппұл салынды.