Петропавлда «Серпін» бағдарламасымен 1400 студент білім алды

Петропавл қаласында «Серпін» мемлекеттік бағдарламасы бойынша 1400-ден астам студент жоғары білім алды. 

Жоба 2014 жылы іске қосылған. Келер оқу жылында да жалғасын таппақ. Мемлекеттік бағдарламаны насихаттау мақсатында Қозыбаев университетінің оқытушылары мен студенттері өңірлерді аралап, мектеп түлектерімен кездеседі. Serpin Way жобасына қатысушылар 23 күнде 6 мың шақырымды жүріп өтпек. Қарағанды, Жетісу, Алматы, Жамбыл, Қызылорда, Түркістан және Ақтөбе облыстарындағы 30-дан астам елді мекен қамтылады. 120-дан аса іс-шара өткізу жоспарланған.

Ғабит Мүсірепов, Serpin Way жобасының жетекшісі:

Бұл жоба жастарға өз болашағын дұрыс таңдауға мүмкіндік беретін маңызды сапар деп ойлаймыз. Біздің университетте 152 білім бағдарламасы бар. Оның ішінде магистратура, доктарантура бар. АҚШ-пен бірлескен бағдарламамыз бар.