«Ауыл» партиясы ұлттық киіммен келді

Референдум аясында ерекше бастаманы қолға алғандар да бар. Мысалы «Ауыл» партиясының басшылығы мен мүшелері топ болып, жиналып,  учаскеге бір уақытта ұлттық киіммен келіп дауыс берді. Қосшы қаласындағы номері 740-шы референдум учаскесінде партия белсенділері мен орталық аппаратының қызметкерлері бірге дауыс берді. Олар референдум Наурыз мерекесі қарсаңында болғандықтан осылай келуді шешкен. Айта кетейік, Қосшыдағы референдум учаскесінің алдында қазір жәрмеңке де өтіп жатыр. Таңнан бері адам үзілген жоқ, халықтың белсенділігі жоғары, - дейді референдум учаскесі комиссиясының төрағасы.

Серік Егізбаев, «Ауыл» партиясының төрағасы:

Партиямыздың жақсы дәстүрге айналдырып жатырмыз да. Үлкен саяси науқандар өткенде ауылдық жерге әлде өңірге барып дауыс беруді. Бүгінгі күннің маңызы ол ерекше. Біздер тарихи кезеңнің алдында тұрмыз деп айтып келе жатырмыз. Күні кеше ғана жалпыұлттық коалицияның жұмысын аяқтадық.