Петропавлда қоқысты кәдеге жаратты

Петропавлда балабақша тәрбиеленушілері мен мектеп оқушылары қоқысты әдемі бұйымдарға айналдырды. Жастар ресурстық орталығының мамандары «Таза Қазақстан»  жобасы аясында шеберлік сағатын өткізді. Шараның басты мақсаты – экологиялық мәдениетті қалыптастыру және тұрмыстық қалдықтарды қайта өңдеудің маңызын насихаттау. Балалар жарамсыз заттардан түрлі сәндік бұйымдар мен құстарға жемсалғыштар жасап, қоқыстың да кәдеге жарайтынына көз жеткізді.