Туристер көп келетін 10 өңір анықталды

Былтыр елімізге 15 млн-нан астам шетелдік турист келген. Тиісінше бюджетке 268 млрд теңге пайда түскен. Қазақстанға саяхаттағанды құп көргендердің басым бөлігі Ресей, Өзбекстан, Қытай, Үндістан және Германия азаматтары. Олар Алматы, Астана қалаларында, Алматы , Атырау, Маңғыстау, Жамбыл, Ақмола, Түркістан мен Ақтөбе облыстарында демалған. Мамандардың айтуынша, бұл туристер арасында сұранысқа ие топ-10 өңір. Қазақстан әлемдік туристік рейтингте өз позициясын нығайтуды жалғастыруда.

Дүниежүзілік экономикалық форумның жаһандық индексінде Қазақстан 119 елдің ішінен 52-орынға көтерілген, бұрын 66-орынға ие болған. Бұл туристерге ыңғайлы болуы мен қауіпсіздігін арттыру, инфрақұрылымды жақсарту және туристік объектілердің қолжетімділігін арттыру бойынша жүйелі жұмысты көрсетеді.