«ДосболLIKE» бағдарламасы: Аймақтық вебинарлар басталды

«Өркен» балалардың әл-ауқатын арттыру ұлттық ғылыми-практикалық институты «ДосболLIKE» бағдарламасы бойынша аймақтық вебинарлар сериясын бастады. Онлайн кездесулерге педагог-психолог, сынып жетекшілері және кураторлар қатысып жатыр. Вебинарларда баланың тұлғалық дамуы үшін қауіпсіз орта қалыптастыру, антибуллингтік командалардың жұмысын ұйымдастыру қарастырылады. Іс-шаралар Zoom платформасында аймақтық кестеге сәйкес онлайн форматта өтеді. Вебинарлар педагогтер үшін тәжірибе алмасу алаңы болып, білім беру ұйымдарында қауіпсіз әрі қолдаушы орта қалыптастыруға бағытталған тиімді тәсілдерді меңгеруге мүмкіндік береді.

Аманғали Мұхтаров, «Өркен» ұлттық ғылыми-практикалық институтының ғылыми қызметкері:

Әлеуметтік жобаларды жүзеге асыру арқылы біз балаларды топтық, жұмыстарға, командалық жұмыстарға тарта отырып, олардың бір-бірімен қоян қолтық жұмыс жасап, бір бірімен ауызбірлікте болуына және өздерінің пікірлес, ниеттес адамдарды табуына жағдай жасауға тырысамыз.