Су тасқынын болжайтын жоба қолға алынды

Солтүстік Қазақстан университетінің ғалымдары су тасқынын дәлдікпен болжауға мүмкіндік беретін инновациялық жобаны қолға алды.
Бағдарлама жоғары оқу орнында өткен ғылым жөніндегі кеңесте көпшілік назарына ұсынылды. Алқалы жиын зерттеушілер мен өндіріс саласы өкілдерінің басын қосты. Кездесу ашық пікір алмасу форматында өтті. Конституциялық жаңғыру кезеңіндегі ғылымның рөлі талқыланды. Жиынға қатысушылар білім мен өндіріс арасындағы байланысты күшейту, ғылыми жаңалықтарды нақты секторға енгізу мәселелеріне тоқталды. Кеңес аясында қонақтар жас зерттеушілердің жобаларымен танысты. Жас ғалымдар Жаңа Конституция жобасында білім мен ғылымға басымдық берілуі ғылым саласын жаңа кезеңге бастайтынына сенім білдірді.
Ерназ Ермеков, доцент:

Жаңа Конституциямыздың жобасында, преамбуласында ғылым және білім салалары үлкен орнын алған болатын. Президенттің біз бұрыннан бері сезіп жатқан қолдауын Ата заңымызда орын алғаны қуантарлық жағдай.