Астанада әуе рейстерінің кестесі өзгереді

Астана әуежайында ұшу-қону жолағын жөндеуге байланысты рейстердің кестесі өзгереді. 15 сәуір мен 31 мамыр аралығында жоспарлы жұмыстарға байланысты ұшу-қону жолағы күн сайын жергілікті уақыт бойынша таңғы сағат 10:00-ден кешкі 18:00-ге дейін жабылады. Әуежай толық жабылмайды - түнгі, таңғы және кешкі уақыттарда қалыпты режимде жұмысын жалғастырады. Күндізгі рейстер ертерек немесе кешірек уақытқа ауыстырылады. Кестедегі өзгерістер әуе компанияларымен алдын ала келісілген. Жолаушыларға сапар алдында рейстің нақты ұшу уақытын алдын ала тексеруге кеңес береді.