5,4 млн гектар орман алқабына өртті ерте анықтау жүйесі енгізіледі

Биыл елімізде 5 млн 400 мың гектар орман алқабына өртті ерте анықтау жүйесі енгізіледі. Бұл тетік жасанды интеллект арқылы жұмыс істейді және деректерді тіркеп, оны жедел басқару орталығына бірден жіберіп отырады. Бұл туралы Экология және табиғи ресурстар министрлігінің алқа мәжілісінде айтылды. Жиында жаңа конституция жобасында экология саласына ерекше ден қойылғаны айтылды. Биыл елімізде БҰҰ аясында Өңірлік экологиялық саммит ұйымдастырылады. Осы ретте министрлік қоршаған ортаның жай-күйін бақылау, қалдықтарды, орман ресурстарын есепке алу бойынша цифрлық жобаларды іске асырып жатыр.