Конституция жобасы – ел дамуының жаңа кезеңі

Ата заң – мемлекеттің даму бағытын айқындайтын маңызды құжат. Сондықтан да жаңа Конституция жобасы ашық талқылануда. Бірінші кезекте қоғам пікірі ескерілмек. Тұрғындар Жаңа Конституция елімізді дамудың жаңа белесіне бастайтынын айтады.

Сауалнама:

-         Мен өзім кітапханашымын. Бір оқығанда түйгенім, Конституциямыз қазақ тілінде сауатты жазылып, мазмұндық сипаты өте түсінікті. Соның ішінде алғы кіріспесінде ұлттық рухымызды оятып, тарихы терең мемлекет екенімізді айқындап тұр. Жалпы Ата Заңымыз халықтың мүддесін қорғайтын заң болады деп ойлаймын.

-         Жасанды интелект келгелі заман өзгерді деп ойлаймын. Қазіргі таңда айналамыз цифрлану үстінде, даму үстінде. Соған сай Ата заңымыз жаңарып, заман талабына сай түрленіп келе жатқаны қуантады. 

 

-         Кез келген адам өзінің өміріне, күнделікті дағдысына Конституциялық тұрғыда жауап беріп жүргені құба құп. Оның ішінде экологиялық тұрғыда жауап беруі, өзіне жауапкершілікті алуы керек деп ойлаймын. Өйткені біз күнде үйден қоқыс шығарып жатамыз. Ол қоқыстың әрі қарай өмірі қалай болып жатыр, экологияға қаншалықты кері әсері тиіп жатыр, оны қарап жатқан жоқпыз.