Басты Жаңалықтар Он мыңнан астам азаматтың өтініші ескерілді

Он мыңнан астам азаматтың өтініші ескерілді

13.02.2026 17:12

Конституциялық комиссия мүшелері өңірлерді аралайды. Мақсат – Жаңа ата заң жобасын азаматтарға түсіндіру, қоғаммен ашық диалог құру.

Халықпен кері байланыс орнату үшін Жалпыұлттық коалиция құрылды. Оның құрамына бес жетекші саяси партияның өкілдері мен миллиондаған азаматтың мүддесін білдіретін 300-ден астам қоғамдық ұйым өкілдері енді.

Айта кету керек, Парламенттік реформа жөніндегі жұмыс тобы былтыр қазан айында жұмысын бастады. Ал Қызылорда өткен құрылтайда өзгерістер ауқымы одан да кең болатыны белгілі болды. Ізін ала әртүрлі саланың 130 өкілі кірген Конституциялық комиссия құрылды. Комиссия 12 отырыс өткізді. Қоғам белсенділері мен сарапшылардан түскен 10 мыңнан астам ұсынысты ескеріп, біршамасын Ата заңның жаңа жобасына норма ретінде енгізді. Жаңа құжат жобасы 11 бөлім, 96 баптан тұрады. Мәтіні тұңғыш рет мемлекеттік тілде қайта жазылған Конституцияның 30-ға жуық бабы адам құқықтары мен бостандықтарына арналды.

Автор

Нұрсұлтан Тілектес

Бөлісу