Қаламгерлер Конституция жобасын талқылады

Алматыда Жазушылар одағында жаңа Конституция жобасы талқыланды. Жиынға еліміздің белгілі қаламгерлері мен зиялы қауым өкілдері, қоғам қайраткерлері, Мәжіліс депутаттары мен Конституциялық комиссия мүшелері қатысты. Басқосудың мақсаты – ел өміріндегі маңызды құқықтық құжатқа қатысты шығармашылық зиялы қауымның ұсыныс-пікірлерін ортаға салу. Шарада конституциялық реформаның негізгі бағыттары, жаңа Конституция жобасындағы қоғам мен шығармашылық қауымдастыққа қатысты нормалар, сондай-ақ азаматтық институттардың рөлі жөнінде пікірлер мен ұсыныстар айтылды.

Жанарбек Әшімжан, ҚР Парламенті Мәжілісінің депутаты:

Жазушылар Одағы еліміздегі жетекші шығармашылық одақ. Сондықтан шығармашылық жеке өздерінің құндылықтарын тұлға ретінде болашақта ұрпақтың мәдени-рухани жобаларға сабақтастығын жалғастыруда нақты позицияларын білдірді.