Конституция жобасында ғылым мен инновацияның рөлі айқындалды

Конституциялық жобада ғылым мен қоғамның рөлі нақты айқындалды. Ата заңның жаңа редакциясында алғаш рет адами капитал, ғылым және инновацияны дамыту мемлекет қызметінің стратегиялық бағыты ретінде көрсетіліп отыр, - дейді академиктер. Президент жанындағы Ұлттық ғылым академиясында өткен жиында, құжаттағы ғылым мен технология жетістіктерінің маңызына айрықша тоқталды.  Ғылыми қауымдастық өкілдері жаңа Конституция жобасы еліміздің ұзақ мерзімді ғылыми-технологиялық дамуына берік негіз болатынын айтады.

Бағдат Белтаев, ҚП Президенті жанындағы ҰҒА академигі:

Бұдан былай Ата заң қабылданса, еліміз үдемелі даму жолына түседі ғой, көш бастайды ғой деп ойлаймын. Себебі алдағы уақыттағы еліміздің даму үдерісі ғылымның негізінде, инновацияның негізінде, алдыңғы қатарлы білім негізінде жүзеге аспақ.