Дәрі-дәрмек бағасы тексеріліп жатыр

Елімізде дәріханалар жаппай тексеріліп жатыр. Облыстық қоғамдық кеңес мүшелері дәрілік заттардың бағасын зерделеп, мониторинг жұмыстарын жүргізуде. Медициналық препараттардың құнын тұрақтандыру мақсатында мемлекет 4900 дәрі түріне жаңадан шекті баға бекіткен. Егер заң бұзушылықтар анықталған жағдайда, азаматтарға dari.kz мобильді қосымшасы арқылы уәкілетті мемлекеттік органдарға шағым жолдау мүмкіндігі бар екені түсіндірілді. Бүгін Атыраудағы кеңес мүшелері дәріханаларды аралап, қоғамдық бақылау жүргізді.

Салтанат Рахимова облыстық Қоғамдық кеңестің мүшесі:

Арнайы үкімет қаулысымен бекітілген дәрілердің шекті бағасы бар. Сонымен салыстырып, қараймыз, зерделейміз. Содан соң егер артықшылық байқалатын болса, біз тұтынушылар құқығын қорғау департаментіне арнайы хатпен, шағыммен шығамыз.