Алматыда жас музыканттар байқауы өтті

Алматыда оқушылар арасында фортепиано мен үрмелі-ұрмалы аспапта ойнау шеберлігі бойынша республикалық байқау өтті.

Күләш Байсейітова атындағы дарынды балаларға арналған мектепте болған жарысқа 190 үміткер қатысты.  Биыл 7-ші рет ұйымдастырылған өнер сайысында еліміздегі мамандандырылған орта музыка мектеп-интернатының оқушылары бақ сынады. Жас музыканттардың өнерін шетелден арнайы келген өнер майталмандары бағалады. Ал, байқау жеңімпаздарына жоғарғы оқу орындарының гранттары берілді.

Оңдасын Абдуллаев, Күләш Байсейітова атындағы дарынды балаларға арналған мектеп-интернатының директоры:

Мына жиналып отырған балалардың бәрі 12 жыл оқиды. Музыкаға дарынды балалар. Ал, ондай балаларды Мәдениет министрлігі бақылап отырады.

Аманкелді СЕЙІТХАН