Алматы халықаралық әуежайы 6,8 млрд теңге дивиденд заңсыз төленген

Алматы халықаралық әуежайы 6,8 млрд теңге дивидендті заңсыз төлегені анықталды. Яғни, қомақты қаржы акционер емес заңды тұлғаның есепшотына аударылған. Бұл жағдай стратегиялық нысанның активі мен даму әлеуетіне кері әсер етіп, қаржылық тұрақтылығын әлсіреткен.

Қаржы министрлігінің Ішкі мемлекеттік аудит комитеті жүргізген тексеріс қорытындысы бойынша заңсыз төленген қаражат толық көлемде әуежайдың есепшотына қайтарылған. Бұл қаржы нысанды дамытуға, жолаушыларға көрсетілетін қызмет сапасы мен сервисті жақсартуға бағытталады, дейді комитет өкілдері.