Мектептерде әскери-патриоттық оқу-жаттығу жиындары өтеді

Оқу-ағарту министрлігі мен Қорғаныс министрлігі бірлесіп мектептерде оқу-жаттығу жиындарын өткізеді. Мақсат жас ұрпақтың отансүйгіштік рухын нығайту және әскери-патриоттық тәрбиені жүйелі түрде дамыту. Бастама қос ведомство басшылары Жұлдыз Сүлейменова мен Дәурен Қосановтың қатысуымен өткен ведомствоаралық кездесуде мақұлданды. Жоба жуырда пилоттық форматта Жамбыл, Абай және Батыс Қазақстан облыстарында іске қосылмақ. Әскери жиындардың нәтижелеріне қарай, кезең-кезеңімен басқа өңірлердегі білім ошақтарына да енгізілуі мүмкін.