МӘМС жүйесін Қаржы министрлігі қадағалайды

Мемлекет басшысы Үкіметтің МӘМС жүйесін Қаржы министрлігінің қарамағына беру туралы шешімін құптады. Қордағы қыруар қаржы талан-таражға түсіп жатқанына алаңдаушылық білдірді. Бетімен кеткен алаяқтар ұлттық қауіпсіздікке тікелей қатер төндіретін деңгейге жетті. Құрылтайда осылай деген Мемлекет басшысы, сол жүйеде жедел жәрдем қызметі мен фельдшерлер жұмысын жалғастырып келеді, деді. Айта кетсек, бұған дейін премьер-министр Олжас Бектенов әлеуметтік медициналық сақтандыру қорын Қаржы министрлігінің басқаруына беруді тапсырған. Себебі Үкімет жеке медициналық ұйымдарды қаржыландыруда көптеген заңбұзушылықты анықтаған.

-         Менің өзімнің қызым инвалид екінші топтағы. Дәрі ала алмайды. Барса февральда кел, мартта кел өйткен жоқ, бүйткен жоқ деп. Осының бәрін дұрыс тексеру керек қой. Кімге керек, кімге керек емес екенін.

-         Дұрыс. Қадағалау керек. Қаржыны да қадағалау керек. Қаржы министрлігі де қадағалау керек. Біз сонша жыл босаңсып мына жақтан алып, мына жаққа қойып, сөйтіп үйреніп қалған халықпыз.