ШҚО-дағы Шанағаты ауылында ауа температурасы – 56 градусты көрсетті

17 қаңтарда ШҚО Марқакөл ауданы Шанағаты ауылында ауа температурасы – 56 градусты көрсетті, деп хабарлады ресми орган. Сол жақтың азаматтары 60 –қа барды деп отыр. Әлемдегі ең суық мекен - Оймяконнан оздық деп қалжыңдайды. Шанағаты Марқакөлден алыс емес. Таулы мекен. Бұл жерлер үшін иә, қатты аяз таңсық емес. Тек пешке абай болу керек. Балалар мен қарттарға қарау керек. Жалпы ел бойынша сақырлаған аяз. Тұралаған коммуналдық шаруашылықтар әр жерде сыр беріп жатыр.

Ал алдағы аптаның басында «Қазгидрометтің» болжамынша республиканың солтүстігіне, солтүстік-батысына және орталығына кезекті солтүстік-батыс циклоны ығысып, қар жауады. Аяз сынады.