Ұлттық құрылтай - халық пен билік арасындағы байланыс алаңы

Ұлттық құрылтай халық пен билік арасындағы байланысты нығайтатын негізгі алаңға айналып келеді. Бұл жұртшылықтың сенім үдесінен шығып отыр, дейді филология ғылымдарының докторы, Ұлттық ғылым академиясының академигі Диқан Қамзабекұлы. Өткен IV 0ұрылтайдың отырысында көтерілген мәселелер мен айтылған пікірлер кейін заң жобаларына, мемлекеттік бағдарламаға еніп жатыр. Сонымен бірге Президенттің атқарушы билікке берген тапсырмаларының орындалуы – негізгі миссиясының жүзеге асып жатқанының көрінісі дейді. Айта өтейік, Ұлттық құрылтайдың бесінші отырысы 19-20 қаңтар күндері Қызылорда қаласында өтеді. 

Диқан Қамзабекұлы, «Қазақ газеттері» ЖШС бас директоры, Ұлттық құрылтай мүшесі:

Президенттің айқындаған қағидаттары, соның негізінде қаншама жұмыс істеліп жатыр. Қайтарылған активтер дейміз ғой, соның өзі әлеуметтік мәселеге жұмсалуы. Арнайы қор құрып, соның негізінде халықтың көкейіндегі немесе аса бір өзекті мәселелерге қолдау көрсетілуі. Заң шығарушы органның жұмысына дұрыс бағытта әсер етіп отыр. Құрылтайдың қаншама заңдарға әсер еткені туралы цифрлар бар. Бұл да сол жұмыстың нәтижесі.