Депутат: Құрылыс саласы қатаң бақылауда болады

Парламент Мәжілісінің депутаттары Сыр өңіріндегі жұмыс сапары барысында Қызылордадағы темір-бетон зауытына барды. Өндіріс орнында жұмысшылармен кездесіп, жаңадан қабылданған «Құрылыс» кодексі туралы заңды түсіндірді.

Зауытта 100-ге жуық адам еңбек етеді. Мұнда шығарылған темір-бетон бұйымдары күнделікті құрылыс алаңдарына жөнелтіліп жатыр. Ең басты талап – сапа. Сондықтан зауыт ұжымы құрылыс нормаларына жаңадан енгізілген өзгерістерді қолдайды. Әсіресе, мердігерлерге жауапкершілік жүгі артып отыр. Кодексте жаңадан салынған нысандардың кепілдік мерзімі 2-ден 10 жылға дейін ұзартылды. Сондай-ақ бір құрылыс компаниясы бір мезетте бірнеше жобамен айналыса алмайды. 

Мұрат Әбенов, Мәжіліс депутаты:

Барлық деңгейде мемлекеттік бақылау болады және аяғында мемлекеттік органдар қабылдау керек. Оған ТЖД-ны қостық, ГАСК-ты енгіздік. Қол қоятын адамдар барлығы жауапты болады.