Цифрландыру – уақыт талабы

Ел Президенті Қасым-Жомарт Тоқаев «Turkistan» газетінде жарияланған сұхбатында елдің ішкі-сыртқы саясатына, әлеуметтік-экономикалық даму бағытына, цифрландыру жүйесін пайдалану және алдағы реформалардың маңыздылығына тоқталды. Сонымен қатар ақпарат құралдарының, оның ішінде газет-журналдардың рөліне ерекше мән берді. Президент пікірінше, технология дамыған заманда оқу мәдениеті кенжелеп қалмауы тиіс.

Ербақыт Амантайұлы, журналист:

Бұрын қол күшімен атқарылатын жұмыстардың көбін қазір цифрлық технологиялар атқарып жатыр. Бірақ өкінішке қарай, біздің қоғам цифрландыру дегенді күні-түні әлеуметтік желіде отыру деп түсініп қалып жатыр. Сондықтан да кітап оқу, газет-журнал оқу мәселесіне келгенде кемшін түсіп жатырмыз. Цифрландырумен бірге оқу мәдениетін де әрі қарай қатар алып, қалыптастыруымыз керек.