«Legal talk: ашық микрофон» форматында форум өтті

Бүгін Талдықорғанда жастардың құқықтық сауаттылығын арттыруға бағытталған форум өтті. «Заң мен тәртіп» идеологиясы аясында ұйымдастырылған «Legal Talk: ашық микрофон» форматындағы жиын азаматтарға мемлекеттік органдармен ашық диалог орнату керектігін түсіндірді. Форум барысында заң үстемдігі, қоғамдық қауіпсіздік, жастардың құқықтары мен интернеттегі қауіптер секілді өзекті тақырыптар талқыланды. Сондай-ақ жастар сала мамандарына тікелей сұрақ қойып, жауап алды.

Арнай Байжұрынов, «Жетісу жастары» КММ директорының орынбасары:

Жалпы форумның мақсаты - «Заң мен тәртіп» идеологиясын жастар арасында дәріптеу. Қоғамдағы заң мен тәртіп деңгейін күшейту. Жастар еркін форматта кездесіп, өздерінің сұрақтарын қойып, осындай еркін атмосферада жақсы кездесу өтті.