Талдықорғанда интернет-алаяқтар 13 миллионды иесіне қайтарды

Талдықорғанда интернет-алаяқтықпен жымқырылған 13 миллион теңге иесіне қайтарылды. Қала тұрғыны әлеуметтік желідегі жалған инвестициялық жобаға сеніп, ірі көлемде қаржы салған. Алайда уәде етілген табыс түспей, байланыс үзілген. Оқиға бойынша полиция жедел әрекет етіп, қаражатты алған дропперлерді анықтады. Осылайша жымқырылған қаржы толықтай иесіне қайтарылды. Жалпы, жыл басынан бері Жетісу облысында 300-ден аса интернет-алаяқтық қылмыс тіркеліп, 150-ге жуық іс сотқа жолданған.

Марат Керімбаев, Талдықорған ҚПБ тергеу бөлімінің кибер қылмысқа қарсы күрес бөлімшесінің басшысы:

13 млн теңге несие алған. Соны алаяқтарға жіберген. Бізге арнайы жүйе арқылы дропперларды анықтап, ақшасын өндіріп бердік. Барлық тұрғыннан желідегі жалған жарнамалардан сақ болуын сұраймын.