Петропавлда шыршаны заңсыз сатқандар анықталды

Статистикаға сүйенсек, жаңа жыл мейрамы қарсаңында әлемде орта есеппен 120 млн түп шырша кесіледі.

Қылқан жапырақты ағаштың өсіп-жетілуі үшін кемінде 10 жыл уақыт қажет. Дегенмен ағаштарды заңсыз кесу және сату деректері де желтоқсан айында көбейеді. Қылмыстың алдын алу мақсатында петропавлдық полицейлер сауда нүктелерінде рейд ұйымдастырды. Тәртіп сақшылары кәсіпкерлердің құжаттарын тексеріп, шыршаны сату талаптары жайында түсіндірді. Рейд барысында арнайы құжатсыз, белгіленбеген жерде сауда жасағандар анықталды. Полиция қызметкерлері оларға ескерту қағаздарын табыстады. Қылмыс қайталанса, айыппұл салынады.

Марат Жұмалиев, Петропавл қаласы полиция басқармасының бастығы:

Бұл шараны жергілікті атқарушы органдармен бірлесіп ұйымдастырдық. Қалалық әкімдік шырша сатылатын жерлерді белгілейді. Басқа аумақта сауда жасауға тыйым салынады. Сонымен қатар рейд барысында қылқан жапырақты ағаштардың қандай түрге жататын, қайдан әкелінгенін анықтаймыз.