Жалған ақпарат таратқандар ₸3 млн айыппұл төлейді

Сіз туралы біреу әлеуметтік желіде ғайбат айтып немесе жалған ақпарат таратса не істейсіз? Алдымен қажетті дәлелдерді жинау керек. Яғни жазбалар мен жарияланымдардың скриншоттары, заңды түрде жазылған аудио немесе видеожазбалар, куәгерлердің деректері мен телефон нөмірлерін айғақ ретінде пайдалануға болады. Одан кейін өтініш жазу қажет. Жиналған құжаттарды және жеке куәлік көшірмесін e-Otinish порталы арқылы полицияға және прокуратураға жолдайсыз. Жазбаша түрде де беруге болады.

Айта кетейік, кез келген адам туралы оның ар-намысына, қадір-қасиеті мен беделіне нұқсан келтіретін жалған ақпарат таратқандар жазаланады. Яғни 3 млн теңгеден астам айыппұл салынады. Оның мөлшері ақпараттың таратылған тәсіліне қарай өзгереді.