Талдықорғанда «Таза бейсенбі» акциясы өтті

Талдықорғандық студенттер «Таза Қазақстан» акциясына қатысу арқылы тарихи тұлғалардың өмірбаянымен танысты. Бұл жолы білімгерлер профессор Жұмахан Балапанов ескерткішінің алдына жиналып, қоғам қайраткерінің ауыл шаруашылық саласына қосқан сүбелі еңбегі жайлы мол мағлұмат алды. Артынша аллеяны тазалап, ретке келтірді. Жалпы, жыл басынан бері Жетісу облысында  400-ден аса сенбілік ұйымдастырылды.  Мамандардың мәліметінше оған 14 мыңға жуық адам жұмылдырылып, 161 тонна тұрмыстық қалдық шығарылған.

Қаламқас Медетқызы, студент:

Талдықорғанда тұрып жатқаныма екі жыл уақыт болды. Колледж студенттері бәріміз «Таза Қазақстан» акциясына үлесімізді қосып жатырмыз. Қаламызды көркейтуге, таза ұстауға, қаламызды қорғауға өз үлесімізді қосудамыз.