СҚО-да 40 жыл болмаған күн райы тіркелді

Биыл күзде Солтүстік Қазақстанда соңғы 40 жылда болмаған жылы ауа райы тіркелді. Ал былтыр дәл осы кезде теріскейде жауған қардың қалыңдығы 15 сантиметрге жеткен еді. Биыл қазан, қараша айлары әсіресе диқандар үшін қолайлы болды. Мамандар теріскейде соңғы 5 жылда күз мезгілі әдеттегіден жылы болып жүргенін айтады. Ал 1998 жылы қараша айында термометр бағаны – 40 градусқа дейін төмендеп, рекорд тіркелген екен. Синоптиктер болжамынша алдағы қыс та жұмсақ болады.

Биыл күзде ең төмен ауа температурасы 4 қараша күні тіркелді. Термометр бағаны -11 градусты көрсетті. Ал 16 қараша күні ауа температурасы +9 градусқа дейін көтерілді. Алдағы жексенбі қар аралас жаңбыр жаууы мүмкін.