СҚО-да элеватор жұмысшысы биіктен құлап, опат болды

Солтүстік Қазақстан облысында элеватор жұмысшысы 30 метр биіктіктен құлап, көз жұмды.

Қайғылы оқиға Ақжар ауданында болған. Ол астық қоймасында жатқан бидайдың үстіне құлап, арасында тұншығып өлген.

Кәсіпорын басшылығы 34 жастағы әйелді табу үшін құтқарушыларды шақырған. Алайда мамандар марқұмның мәйітін алып шыққан.  Адам өліміне қатысты қылмыстық із қозғалды. Еңбек қауіпсіздігі қаншалықты сақталғаны тергеу барысында анықталады.