Қарағанды облысының Шет ауданындағы электр мәселесі шешілді

Қарағанды облысына қарасты Шет ауданында электр қуатының мәселесі шешілді. Аудандағы тоқ желілері жекеменшіктен әкімдік балансына өтті. Бүгін өңірдің экономикалық-әлеуметтік дамуы туралы есеп берген облыс әкімі осылай деді. 12 мың тұрғыны бар ауданда бұған дейін жарық жиі сөніп, тіпті жергілікті деңгейде төтенше жағдай жарияланған еді. Оған соңғы 30 жылда желілердің жаңартылмауы, тозуы себеп болған.

Ермағанбет Бөлекпаев, Қарағанды облысының әкімі:

Шет ауданында екі-үш компания істеген. Өкінішке қарай жекешлендірген кезден бастап жұмысын дұрыс жасамады. Соның кесірінен 12 мың адам қиыншылық көріп отырды. Сондықтан біз заң бойынша төтенше жағдай жариялап, коммуналдық менгшікке алдық. Қазір жағдай тұрақты. Біраз трансформаторлар, тоқтар жаңартылып жатыр.