Вице-министр: Дәрі-дәрмек қымбаттамайды

Дәрі-дәрмек қымбаттамайды. Үкімет отырысына қатысқан Денсаулық сақтау вице-минстрі осылай деді. Сондай-ақ тапшылық болмайды деп сендірді. Оның айтуынша, «СҚ-Фармация» жанынан 21 млрд теңгеге жететін тұрақтандыру қоры ашылып, өмірге қажетті және әлеуметтік маңызы бар дәрілердің резерві құрылған. Сондай-ақ биыл сатып алу ережесін жетілдіру нәтижесінде 70 млрд теңге үнемделіп, сол ақшаға қажетті дәрілерді сатып алуға жұмсалған. Тиісінше, өңірлерде дәріхана жүйесін кеңейту көзделіп отыр.