СҚО-да 10 мың бас малға екпе салынды деп өтірік есеп берген

Солтүстік Қазақстан облысы Уәлиханов ауданында 10 мың бас малға екпе салынды деп жалған есеп берген.

Бұл дерек прокурорлар жүргізген тексеріс барысында анықталды. Сонымен қатар мал қорымдары талапқа сай болмай шыққан. Ал Айыртау, Ғабит Мүсірепов және Шал ақын аудандарында ветеринарлар кәсіпкерлердің тиісті құжаттары болмағанына қарамастан ет пен балық тасымалдауға рұқсат ететін анықтама қағазын жасаған. Қызылжар аудандық ветеринарлық қызметі де мал өнімдеріне тиісті сараптама жасамай тұрғындарға 30 анықтама берген.

Ғазиз Сауқомбеков, прокурор:

Тексеріс нәтижесі бойынша 15 лауазымды тұлға жауапқа тартылды. Олар шығынды қайтаруға міндеттеліп отыр. Ветеринарлық заңнаманың орындалуын облыстық прокуратура жіті бақылайды.