Петропавл қаласында барлық деңгейдегі әкімдер форумы өтті

Петропавл қаласында барлық деңгейдегі әкімдер форумы өтті. Жиынға 500-ге жуық адам қатысты. Олардың 200-ден астамы аудан және ауылдық округ басшысы. Форумда атқарылған жұмыстар сараланып, болашаққа бағдар жасалды. Агроөнеркәсіп кешенін дамыту, инновациялық технологияларды пайдалану, инвестиция тарту және кадрлық әлеуетті нығайту – негізгі міндет. Сонымен қатар ауылдық округ басшылары жыл басынан бері атқарылған жұмыс жайында есеп берді. Облыста 2021 жылдан бері халық 100-ден астам ауыл әкімін сайлау арқылы таңдады.