Талдықорғанда «Eco Quiz» интеллектуалды ойыны өтті

Талдықорғанда «Eco Quiz» интеллектуалды ойыны өтті. «Таза Қазақстан» бағдарламасы аясында ұйымдастырылған шараға 40-қа жуық адам қатысқан. Олар өзара 12 командаға бөлініп, тарихи және логикалық сұрақтарға жауап берді. Ал ақтық кезеңде табиғатты қорғауға бағытталған жобаларын ұсынды. Белсенді жастар марапатталып, жеңімпаз топ ұтысқа ие болды.

Нұрай Оспан, студент:

«Eco Quiz» арқылы біз дүниежүзіндегі пайдалы ақпараттарды білдік. Қандай іс-шаралар болғанын және қандай терминдер енгенін, сондай-ақ оларды кім ашқанын біле алдық. Менің ойымша, жастарға өте пайдалы болды. Біз бұл ойында командамен жұмыс істеуді үйрендік.