СҚО-да егін орағы аяқталуға жақын

Солтүстік Қазақстан облысында орақ науқаны аяқталуға жақын. 4,3 млн гектар алқапқа егілген дақылдардың 97 пайызы жиналды. 6 миллион тонна астық бастырылды, орташа өнімділік гектарынан 20 центнерден асып отыр. «Зенченко и К», «Вагулинское» сынды шаруашылықтар алдыңғы қатарда. Жоғары технология мен қуатты техниканың арқасында аталған серіктестіктер гектарынан 65 центнерден астық жинады. Ал майлы дақылдар өнімділігі 11,3 центнер.

Соңғы жылдары саланы әртараптандыру бағытында ауқымды жұмыс жүргізілді. Нәтижесінде биыл майлы дақылдар алқабы 1 миллион гектарға жетті. Бұл – республика бойынша ең жоғары көрсеткіш.