Швейцариядағы шеруде 18 полиция жараланды

Швейцарияда палестиналықтарды қолдау шеруі кезінде 18 полиция жараланды. Зардап шеккендер арасында демонстранттар да бар. Тəртіпсіздіктер ел астанасы Берн қаласында болған. Полиция шеру рұқсат етілмеген деп мəлімдеп, демонстранттарды тарату үшін су шашып, газ қаруын қолданды. Ал шеруге шыққандар тəртіп сақшыларына кірпіш пен басқа да заттарды лақтырған. «Рейтердің» мəліметінше, шеруге 5 мыңдай адам жиналған. Полицияның дерегіне сай, Бернде 50-ден астам ғимаратқа, жеке мүлікке зақым келген.