Палестиналықтар үйіне орала бастады

Израиль мен «Хамас» арасында атысты тоқтату режимі күшіне енді. Мыңдаған палестиналық үйіне орала бастаған. Израиль əскері Газа секторының кейбір бөліктерінен шығарылып жатыр. Газа тұрғындарының барлығы дерлік 2023 жылы 7 қазанда басталған Израильдің шабуылынан кейін үйін тастап кетуге мəжбүр болған еді. Газадағы соғыс Мысырдағы кездесуден соң Трамп ұсынған жоспарға сай аяқталады. Алдағы 72 сағатта «Хамас» кепілдегі 48 израильдікті босатпақ. Содан кейін Израиль өз түрмелерінен палестиналық тұтқындарды шығарады. Сондай-ақ Газа тұрғындарына арнап гуманитарлық жүк тиеген көліктер секторға кіргізіледі.